Monday, June 18, 2012

එහෙනම් එන්න මේ පැඳුරට.

එහෙනම් එන්න මේ පැඳුරට
අපි ආදරේ කොඳුරමු.
අන්න අර පේන ටකරන් තහඩුවේ සිදුරෙන්
අපි හඳ බලමු.

හඳ මාමේ අපිට
කිරි පැණි දෙනවාද අහමු.
සඳ වගේ මූණ තියන
පොඩි එකෙක් හදමු.
පොඩි එකාට
කිරි පැණි කවමු.

ගේ ඉස්සරහ
කොස් ගහෙන්
තුන් වේල කොස් කාල
උණුම උණු ප්ලේන්ටියක් බොමු.

ඉදල හිටල දවසක
හංදියේ පෙට්ටි කඩෙන්
උලුඳු වඩයක් කාල
කිරි කෝපි එකක් බොමු.

වේවැල් කැඩුන පුටුව උඩින්
කොට්ටයක් තියමු.
කුෂන් කල පුටුවක්ය කියමු.

හවසට මූණට මූණ බලාගෙන ඉමු.
මූණෙනුත් හඳ දකිමු.

2 comments:

  1. හඳ බලන එකත් ලේසිනෑ

    ReplyDelete
  2. මොනවා කරන්නද කාලේ වැරැද්ද තමා

    ReplyDelete