Tuesday, December 27, 2011

නත්තල.

නත්තලේ අහස යට
විසිතුරුව පැළදගෙන
සළුපිළි ද අබරණ ද
නොයෙක් විසිතුරු බඩුද

සිටුවරුය ඇවිද යන
වීදියේ කඩ අතර
එවන් සිටුවරු ගෙනෙන
බොහෝ සැප ඇති රථය

නොයෙක් රස කර තැනුණ
මසින් රස කරන ලද
අවන්හල් සීරුවට
වීදියේ තැනින් තැන

කුසගින්න පිරි නෙතින්
සුවඳ යහමින් බුඳින
අම්මෙක්ය..! දරුවෙක්ය..!
කඩපිලේ දොර අසල

Sunday, December 25, 2011

|ඉරිසියා මගේ සිත|

ඉරිසියා පිරී ඇති
මගේ සිත විදින දුක
සඟවාන නුඹෙන් මම
සොයන්නෙමි අතීතය

හිත රිදෙන අතීතය
පැවසුවත් නුඹ මහට
දැනෙන දුක විඳ විඳම
මගේ සිත සොයන නුඹ

නුඹේ සිත දැනෙන විට
තෙත බරිත දෙනෙත් පිස
මතු දැනෙන සුවය ගැන
සොම්නසින් මගේ සිත.