Wednesday, January 7, 2015

නුඹ දැනෙන තැන.

ලෝකය තියා පැත්තකින්
ගුලි ගැසී මුල්ලක
හුස්ම ඇදගෙන බොන වෙලාවට
ඇහෙනවා මට
නුඹේ කටහඬ
ඒත් නුඹ නෑ එතන

කීක් ගාගෙන
එස්.එම්.එස් එකක් එන හඬ
දුරකථනය නාද වෙන හඬ
ඒත් නුඹ නෑ එතන

තවත් සමහර වෙලාවට
පේනවා මට
නුඹ ඉන්න හැටි
හුරු පුරුදු ඉගි බිගිම දම දම,
ඒත් නුඹ නෑ එතන

අන්න ඒ වෙලාවට
උගුර හරියට වියලිලා
හරි බරක් දැනෙනවා ඇස් යට

ඒ වුණත් හිතෙන්නම
එක තැනක තනිවෙන්න
නුඹ දැනෙනවා එතන.

0 ප්‍රතිචාර:

Post a Comment