Wednesday, September 5, 2012

නන්නාඳුනන කෙනෙකි ඇය හඳුනන.

මිතුදමකි,
විරල කුලකයක
සිත මත
මකරන්ද තවරන
නන්නාඳුනන
කෙනෙකි ඇය
හඳුනන.

සදකි,
සඳ දිය
ගලන
පෙම් කරන
රැහැයියනට
ඇට්ටේරියා මලකි
තනිවම පිපුණ
පිනි බිඳක්
විය හැකිද
මට?

සරතැස සමග
කවටකම් කරන
සුසුම්
සිනාකර හෙලන
දිය කර
වර්ණ
කඳුළින්
හැඩකරන 
ජීවිතය

වචනවලින්
ඉඳහිට අනින
කිති කැවෙන
මහප්‍රාණ ලෝකයක
සමනල තටුවලින්
ඉගිලෙන
බර යකඩ
කිලෝවක්
පුළුන් සේ දකින
කිලෝව ගැන
නොසිතන
නන්නාඳුනන
කෙනෙකි ඇය
හඳුනන.

කිමෙක්ද මේ දැනෙන තනිකම.

වලාකුළු තිබුනත් වැහි පොදක්වත් නැති දවසක
කිමෙක්ද මේ දැනෙන තනිකම
රාත්‍රිය දෝතින්ම රැගෙන කළුවර
අඳුර කැන්දනවාද හිතකට

ලබ් - ඩබ් හඬ දෙමින් තත්පරය
ඉක්මන් කරවන අයුරුය හදවතහි හඬ
සයනයහි අයිනක බිත්තියක් සිපගෙන
සතපවන්න හැකිනම් ජීවිතය නොනිදා නිදන

කටු පඳුරු හෝ උපන්නේනම්
ඉරි තැලුනු වියල ගිය පොළවකද
නොහැකිද උපදින්න මලකට
ජල හිග කතරක වුවද බඹරුන් ලොබ කරන.

සිගරට් දුමක්.

සිහින් සිගරට් දුමකි
ඇනිකට්ටුව අතරින් මතුව එන
බෝතල් කිහිපයකි 
ගල්තලාව මත විසිරුන

අලුත පෙති විකසිත
නෙළුමකුත් ඔසවාගෙන
කොකුන් රෑනකි
දිය නාන්නට සැරසෙන 

අනුන් කුණු සෝදන ජලය
ශබ්ද නොනැගෙන පරිදි
විසල් අඬි නොතියාම
ගලා යන්නේය හෙමිහිට.