Wednesday, April 25, 2012

හීනයක්.



කටු පඳුරු අතරහිද
පිපෙන තනි මලක වුව
හීන මහ ගොඩක් ඇත.

හීන ඇහිදිය යුතුය.
පාට කර ගත යුතුය.
හීනයක් අතර හිඳ
හීන වෙත යා යුතුය.

රැයක සඳ නැගෙන විට
නිසැකවම එළිය වන
එක් සොඳුරු සිහිනයක
නුඹ මලක් විය යුතුය.

සුවඳ දෙන ඒ මලට
බඹරු ඇදෙනා විටක
බඹරු දෙස නොබලාම
තව සිහින දැකිය යුත.

තවත් එක් සිහිනයක
හිමිදිරිය පිනි බිංඳු
නුඹේ මල් පෙති අතර
දිලිසෙමින් තිබෙනු ඇත.

සිසිලසක් දැනෙනු ඇත.
හිරව ඇති මහා බර
සුසුමකින් වැටෙනු ඇත.
උදාවන නව දිනක
සොඳුරු බව ලැබෙනු ඇත.